تامر حسني بالدفاع عن الكومبارس رامي نادر: هبعتلك شباب يتمرنوا عندك واتمني اقابلك
ساند الفنان تامر حسني الكومبارس رامي نادر عندما هاجمه أحد الجمهور ورد على الانتقادات التي وجهت له عبر حسابه الرسمي علي «الفيسبوك».
نشر الفنان تامر حسني عبر حسابه الرسمي بموقع تداول الصور والفيديوهات «انستجرام» بوست الكومبارس رامي نادر يسانده.
قائلًا: «لفت نظري البوست ده.. أستاذ رامي أنت فنان محترم و ردك حقيقي راقي رغم تعرضك لكلام محبط أنت مردتش الإساءة بالإساءة و ده ليه اعتبار كبير اوي فوق ما تتصور عند ربنا قبل البشر».
تامر حسني يواسي رامي نادر
وتابع مواسيًا له: «وممكن تكون جواك زعلت بس اكيد التعليق اللي زعلك ده ممكن يكون سبب في حاجه تفرحك قريب و هتشوف كلامي و انا شخصياً مكنتش عارف انك بتمرن تمثيل و عرفت من البوست ده و هبعتلك شباب يتمرنوا عندك و اتمنى اقابلك و اتعرف عليك و نفتح باب شغل مع بعض ….».
استياء تامر حسني من الانتقادات
وأضاف مستاء من تعليق الشاب: «واتمنى من الشاب اللي كتبلك كده انه يراجع نفسه و ميحاولش يحبط حد تاني لان الكلمه المحبطه فعلاً ممكن تموّت بجد و يكون تأثيرها اكبر من السلاح ….. التعليق السلبي اللي اي حد بيكتبه بمنتهى البساطه و هو في بيته بيضحك!!!! ممكن يكون سبب في قتل حد نفسياً او يكون سبب في تدمير اسره او سبب في جرح روح كانت فرحانه و متفائله و بسببك كل ده اتهد…. ربنا يوفقك يا فنان يا محترم».
واختتم: «(( يا شباب خلونا رحيمين على بعض عشان ربنا يرحمنا )) عشان كل ما بقيت رحيم في كلامك هتلاقي ربنا بيسخرلك في عز زعلك و احباطك ناس تفرح قلبك بالكلام الرحيم اللي يقويك على الدنيا».
View this post on Instagram
تامر حسني
الجدير بالذكر أن آخر أعمال الفنان تامر حسني هو فيلم «تاج»، والذي عرض ضمن موسم أفلام صيف 2023، وبلغ إجمالي إيراداته حوالي 42.587.113 جنيه.
تدور أحداث فيلم تاج حول حياة التوأم تاج وهارون -يؤدي تامر حسني دور التوأم-، اللذان يمران بالعديد من الأزمات، ومع امتلاكهما لقدرات خارقة، تتسبب في وقوع العديد من المفارقات لهما وتعرضهما لمواقف خطيرة وعقبات كثيرة.
تامر حسني وألبومه الجديد
ونشر الفنان تامر حسني مؤخرًا عبر حسابه الرسمي علي الانستجرام عن تفاصيل ألبومه الجديد والذي سيطرح على مدار سنة 2023 وليس في فترة معينة.
إقرأ أيضاً
تعليق واحد